胡定欣一向都有勤力跑步與健身，保持身材苗條，但原來是有料之人，她在社交網展示健身成果，身穿露腰小背心的她舉起手臂大騷強勁臂彎，見她手瓜起腱，相當犀利，她配文：「當唔方便Train下半身，結果...唔覺意大隻咗！」她又笑謂：「香港聽日要掛8號風球，新聞話呢個風好強勁，強度與山竹相當，我都要做好準備，練大隻啲，先夠力去街市入貨買定嚟緊呢兩日糧食。」好友林子善留言：「二頭操得唔錯，下次食飯畀我咬一啖睇吓入唔入。」不少網民都大讚她身材勁弗，笑問：「姐要去參加健美比賽了？」
