蔡潔為陳山聰澳門演唱會擔任表演嘉賓，猶如女神般登場，跟山聰合唱《你最珍貴》，再獨唱《凡星》，台下觀眾都大讚她漂亮，原來山聰跟蔡潔從未合作過，笑言好辛苦從黃宗澤手中搶到蔡潔，今次首次在台上合作，山聰大讚蔡潔唱得好，好快就可以開個人音樂會，而蔡潔就表示今次算是第一次正式在音樂會中唱歌，從未試過如此緊張，但又好享受那種感覺，感受到台下觀眾的熱情。
蔡潔說:「我記得不久之前睇一個好靚亦好優秀嘅演員，同時係好出色歌手嘅演唱會，我想像如果有一日我可以企喺台度係點呢，原來真係會好緊張又期待。」
蔡潔談到當晚演出，她表示：「好多年前喺澳洲讀書參加咗當地新秀，回港咁多年，有做過少數商演，去年出咗自己第一首歌，但登台機會真係唔多，今次正式第一次踏上演唱會舞台，第一次戴Ear Mon唱歌，台下面坐咗好多山聰嘅家人、朋友，仲有我嘅朋友、同事，用一個好期待又緊張嘅心情去唱。」
她坦言佷感激山聰的邀請，沒想到對方仍然記得以前的戲言：「佢第一次做《初心》音樂會，我去咗睇，同場仲有陳敏之，山聰就記住咗我，我同佢講笑話我都可以做嘉賓，我當然好想有上台機會，估唔到佢真係記住咗，今次仲邀請我，我好開心，有唔少粉絲專登買飛支持我，好感謝佢哋，其實我只係唱咗一首半嘅歌曲，而且今次仲可以唱到我好喜歡嘅張學友嘅合唱歌，感覺好奇妙。」至於她對自己的表現給多少分？她直言不滿意：「因為冇乜經驗，加上緊張，其實我練咗好耐，出到嚟打6折，但唔緊要，在場都收到我有用心為大家演繹，希望下次做得更好。」