陳山聰除了愛跑步外，早前還加入阿叻陳百祥之精裝足球明星隊，他的兒子Jaco亦遺傳了他的運動細胞，日前山聰特地陪Jaco出席籃球比賽，Jaco穿著1號印有名字的球衣好醒神，事後山聰在社交網大讚Jaco球技了得。
山聰寫道:「大佬好波，喺緊急關頭入咗決定性嘅一球，勇奪季軍，爸爸都睇到好肉緊，希望你所有運動都投入認真對待，感謝教練嘅教導」，山聰更認為運動是要從少培養的。
山聰果然是廿四孝爸爸，陪完打籃球，相隔幾天，山聰又帶Jaco去主題樂園玩，山聰在社交網寫道:「今個暑假喺吉隆坡開工，冇陪過大佬，趁今日藍天白雲，即刻帶Jaco去同佢偶像合照順便玩吓」，Jaco戴住黑超同Iron Man合照，十分有型，其後見Jaco更將Iron Man能量來源之方舟反應爐都貼在心口中間，果然是超級fans，不少網民見到Jaco，都大讚他靚仔又可愛，看來Jaco都擁有不少鐵粉。