關嘉敏(Carman)今年初開始迷上肚皮舞，舞感十足的她首次到深圳參賽即獲獎，早前她預告將再將挑戰國際性比賽，並專程從韓國訂製性感參賽舞衣返港，日前她專程飛往南京出戰國際東方舞比賽，順利完成比賽之餘更於3項職業賽事中分別獲得冠、亞及季軍，成績斐然。
面對大批年紀由十餘歲到六十多歲不等的對手，關嘉敏對大家的落力演出亦甘拜下風，直言大開眼界，問到日後會否開班授徒，她卻謙稱暫時「未夠班」。比賽後關嘉敏即匆匆返港，當晚隨即向《女神配對計劃2》團隊報到及參與錄製，不過出名饞嘴的她於南京期間亦有四出覓食，可謂不枉此行，關嘉敏將比賽相片上載到社交網，自言此行好「黐線」，因為工作緣故，兩個星期前才決定去參加比賽，用兩星期時間學了兩隻舞，她的學習時數加埋上次比賽只得四個月，好彩遇到一個好老師，雖然老師比較長氣，但教得好好，令她獲益良多，所以她亦要多謝老師，關嘉敏指今次比賽可當作送給自己的生日禮物。
8月24日將迎來32歲生日，關嘉敏表示舉行大型派對與粉絲互動及慶祝，而下月她將夥拍譚輝智帶團出遊中山：「近日遇到好多人都話報咗團，搞到我好緊張，到時我會同輝智合唱。（再化妝扮佢神同步？）好多人都問呢個問題，但叫大家失望喇，因為冇人幫我化妝，同埋呢個好花時間，留番下次啦。」