「大隻仔」李爾晨在邵氏劇集《執法者們》中飾演瘋狂又囂張的區明偉，與以往演開的乖乖仔形象大相逕庭。除了粗魯兼粗聲粗氣外，連造型打扮都令人耳目一新，有see through網狀背心、低胸背心、絲絨西裝褸之餘，還有鐵鏈頸鏈，令人留下深刻印象。最令人津津樂道的莫過於群女「開派對」時被摸pat pat、以及與秦啟維講數時、意外展露超強「胸肌線」的兩個場口，十分經典！
李爾晨笑言已恨演壞人恨了好久：「接到呢個角色真係好開心，因為入行時好多人話我做唔到反派，當時我好唔忿氣其實，所以我一直都好想挑戰亦正亦邪嘅角色，好想證明到自己係做到。好多人睇完，都有whatsapp轟我話睇唔出你可以咁寸同咁奸，話我平時個樣唔似會咁，所以真係好開心、好鼓舞。」對於「群女開派對」場口，他笑言連現場認識的拍攝對手，埋位前都十分擔心他，表示：「佢哋有講笑話好想睇吓我點演呢一場，因為我完全唔似會做到呢場戲嘅人。之後我都豁出去演，好彩出嚟效果都ok。」
劇中與李爾晨同樣搶焦點的，還有飾演性感尤物熊慧真的王菲。身形高䠷苗條、樣子迷人的她成功獲不少網民關注，大讚她極有女人味！其實王菲真實絕對是美貌與智慧代表，除了是《2019年度香港小姐競選》亞軍及「最上鏡小姐」得主，並獲得創意寫作與電影藝術課程的榮譽文學士學位，多才多藝。