無綫新劇《巨塔之后》現正熱播中，最新一集焦點是奕謙（李爾晨飾）與王啟心（陳楨怡飾）的離別戲，認真虐心！
劇情講到奕謙奇蹟地甦醒回來，啟心相當開心，奕謙對啟心說：「多謝你一直都冇放棄過我」啟心則說：「係我多謝你醒番，多謝你話畀我知原來呢個世界仲有希望」奕謙再說：「我哋重新嚟過，好唔好，只要喺埋一齊」。
原本以為二人能大團圓結局，豈料因明塱遇上工潮，令所有車輛堵塞在門口，啟心推着奕謙離開轉院時，被車輛撞倒，二人受傷，奕謙因傷勢嚴重搶救無效死亡，令啟心傷痛欲絕。
李爾晨透露這場醒回來的場口，乃是總監製鍾澍佳特意加上去，他說:「雖然只係得幾句對白，但我都用心準備點樣講得好啲，我每一take都帶有眼淚，希望大家感受到我同楨怡嗰份情。」
談到他的場口大都是瞓在病床上，李爾晨直言也不簡單:「因為拍攝嘅現場冇冷氣， 每次我瞓喺度蓋住張被再插住鼻喉，我係冇得郁，所以當拍完嗰場轉鏡頭時，其他人可以飲水補妝歎下冷氣， 我只可以瞓喺張床度冇得郁， 變相都好熱。」
他又指與陳楨怡本身是朋友，因此今次合作經常聽到其要說深情對白，感到很搞笑:「我未聽過佢講呢啲咁深情嘅嘢 ，真係好感受到佢真係好鍾意奕謙，好投入喺個角色入面。」
另外，李爾晨又指很難忘可跟劇組到布拉格拍攝:「去咗7日布拉格， 我拍咗兩日就放假 ， 呢個地方本身我係諗住度蜜月先會去，但估唔到今次工作機會可以去，所以係好難忘嘅回憶。」
李爾晨有樣有身材，更是前香港男子甲一排球員。他在2016年為球隊奪得甲一排球聯賽冠軍、首個全港公開馬拉松排球賽冠軍，更於2017年衛冕。及後在「2017亞洲球會盃」奪得亞洲排名13、成為香港史上排名最高的香港球隊，相當厲害。