陳山聰一向都好有善心，趁住十月生日，希望能與眾同樂，帶同仔仔Jaco與歌迷會成員到「香港麥當勞叔叔之家」，跟一眾十月生日之小朋友，一齊唱歌玩遊戲，共度一個歡樂之下午。
山聰當日跟Jaco以父子裝上陣，同一班小朋友玩齊齊拍、音樂傳球及收賣佬三個遊戲，兩父子都玩得好投入，跟現場小朋友及家長都打成一片，齊齊合力完成分組遊戲，之後山聰同Jaco表演唱歌，兩父子先合唱一曲《單車》，再由Jaco獨唱一首兒歌《Uba Uba果園》，Jaco毫不怯場，唱歌之餘又有台風，令一眾參與生日會之小朋友及家長都睇得好開心，然後兩父子再跟現場小朋友一齊唱生日歌，山聰還準備了禮物給生日及出席之小朋友，可謂人人有份，令所有小朋友都感到十分開心。
其後山聰與Jaco在職員帶領下參觀中心設施及房間，山聰大讚中心設計好貼心，令小朋友及家長都住得好安心，期待下次再到中心為小朋友帶來歡樂。