黃宗澤(Bosco)今日(18日)以嘉賓身份到將軍澳出席彩豐行活動，同場有陳庭欣擔任司儀。
Bosco最近變成5億駙馬，因收到工作邀請，初時對方指出席周年晚宴任嘉賓，後來話公司大小姐好仰慕他，想約他請一起食飯，又介紹大小姐23歲係混血兒，最後再附加老爺願意付出5億元，希望他做女婿。他笑說：「請叫我做5億女婿！我仲話畀媽咪知，佢仲話5億唔係美金咩！呢啲應該係惡作劇，睇完得啖笑，以前成日睇新聞話邊個去飯局，估唔到自己終於會遇到，發覺原來自己係有價。」Bosco更透露媽媽早前因老人病入院，但出院後繼續四圍玩。
Bosco又指今日睇到陳偉霆榮升做爸爸的新聞，亦有致電恭喜對方，但之前全不知情。問到會否學陳偉霆跳步去直接宣布做爸爸？Bosco笑說：「我跳樓、跳海OK！無乜組織家庭畫面嘅觀念，我一出世就單親家庭，無特別要求要天倫之樂畫面。」
最近忙於拍攝邵氏新劇《風華背後》的Bosco，相隔廿年再度跟汪明荃（阿姐）合作，他笑言現在的花名是「飲咩湯」:「因為我經常『萬歲』湯水，還特意準備了貼有名字的個人湯壺。一到拍攝現場，阿姐就會問我『飲咩湯？』我年輕時，阿姐和John哥（姜大衛）對我照顧有加，現在我也向他們送上湯水。老人家拍戲會累，要滋補一下。」