「坤哥」吳業坤上周六(29日)到廣州南沙體育館，跟李克勤、邰正宵、湯寶如、譚嘉儀及萬乘齊等舉行《灣區港樂夜》音樂會，全場坐滿5千名觀眾十分熱鬧，坤哥唱出《原來她不夠愛我》、《離場沒有理由》、《劇透》、譚詠麟之《一生中最愛》及張國榮之《今生今世》，然後再跟湯寶如合唱經典歌曲《相思風雨中》，坤哥一向是唱得之人，令台下觀眾聽到如痴如醉。
坤哥一向十分怕熱，當晚他唱到大汗淋漓，連湯寶如都忍不住話坤哥滿面都是汗，台下觀眾就叫他除衫，坤哥笑言都好想除衫，因為真的覺得好熱，但他擔心身形太肥，所以不敢除衫，又搞笑地話除少少畀大家睇吓，他答應下次減肥成功先除衫。