視帝陳山聰主演的劇集《隱形戰隊》近日熱播中，他日前與劉穎鏇、劉佩玥和林子善等現身宣傳活動，乍看冇乜特別，但他事後在IG Story貼相，並寫上：「其實我好少著牛仔褸，介紹返依件古董係我十八歲第一次去倫敦買嘅。足足跟咗我28年」又標註了品牌。
雖然拍檔劉穎鏇在劇中日日著不同顏色的小背心，但山聰就十分長情，一件褸竟然可以著28年，又完全看不出歲月痕跡。
18歲買落的牛仔褸，到今時今日都仍然啱身，證明46歲的陳山聰身形完全冇走樣。其實翻睇他19歲以歌手身份出道時拍下的MV，赤膊的他身形比較奀瘦，現在反而靠跑步健身操得一身大隻身形，著衫更好睇。
Credit: hk01