藝人關嘉敏（Carman）曾女扮男裝扮《中年好聲音2》的譚輝智跳唱《屈到病》而一鳴驚人，今日她和輝智一同出席無綫節目《萬眾同心公益金》記者會，宣布將在周六的慈善騷上合體，但今次不會再「扮嘢」，改為「扮型」，問譚輝智可會反過來嘗試扮關嘉敏？他笑說：「我仲要搵食呀！有小朋友要見家長，校長見我扮女仔唔掂呀！」但覺得扮型都大挑戰，因自覺型不起。Carman就指同輝智合拍很有化學作用，綵排時明明在扮型，但工作人員卻笑得好開心。
關嘉敏和譚輝智將會表演唱出11首的串燒歌，Carman讚輝智跳舞愈來愈好，自己就擔心要顧現場樂隊，又唱又跳會甩碌，輝智說：「你放心，就算你甩都冇人知，啲人只會覺得我甩。」Carman表示與輝智差不多同期出新歌，希望之後有多些互動合作。輝智就自爆已率先唱了Carman的新歌，是否公開就交由Carman決定。他們都希望將來有機會出合唱歌，Carman表示可以扮到輝智唱腔。
提到無綫戀愛真人騷《女神配對計劃》節目裏面，Carman自言跟其他女神不同，擔心冇男仔㨂遭嫌棄，她說：「扮完輝智後，個個覺得我好男仔頭，是女漢子，冇人相信我裏面係好女仔。」問輝智可有筍盤介紹給Carman？他笑指沒有筍盤，因為Carman看不上，又表示可以做戀綜的「花生團」，以「哥哥」身份替Carman揀男友。