阮頌陽(Brian)早前代表香港到印尼雅加達為《第30屆亞洲電視大獎》擔任大會司儀之一，此行令Brian眼界大開，亦感受到當地人之熱情好客，令他覺得好窩心，雖然Brian做過不少大騷司儀，但今次最特別的是要全英文對答，感覺好有挑戰性。
今次是亞洲一個頗具規模的頒獎禮，不少亞洲國家及地區如日本、斯里蘭卡、韓國、泰國、印度、印尼及香港等，都有參與這個頒獎典禮，可謂星光熠熠，Brian形容今次是一趟好開心的旅程，第一次用全英文做司儀，但他表現得好淡定:「因為由細到大好鍾意學英文，讀書時英文會話成績都幾好，所以唔會覺得好驚，另外我由細到大都好鍾意睇電視，可以喺一個咁盛大咁有歷史性的影視頒獎禮做MC，又代表香港，成件事就好不可思議。」
Brian指今次工作雖然有語言上的限制，跟工作人員都要用英文來溝通，但無阻大家去互相認識各國的文化與生活習慣，工作時大家一齊去食飯對稿，工作完又一齊去影相，加上他性格外向，鍾意文化交流，所以今次實行寓工作於娛樂，而因為工作機會Brian認識了新加坡之主辦方，Brian今年在不同平台主持好多類型節目，如紀錄片等，都有資格報名參加這個頒獎禮，他希望明年出席這個頒獎禮時，除了是大會司儀外，都希望可以以參賽者、甚至得獎者身份去出席。
其實今次並非Brian第一次去印尼，他曾與家人去峇里島旅行，再次體驗到印尼人好客之道，無論幕後團隊或是其他司儀，全部都十分友善，在開騷前一日特地到化妝間送花給來自其他地方之各個司儀，而此行最令Brian開心的是他「斬獲」了不少印尼粉絲，更有粉絲為了見他十五分鐘，不惜搭車兩個小時去機場送行，令他十分感動。