吳業坤(坤哥)、黃宗澤(Bosco)、陳瀅及胡鴻鈞(Hubert)，齊齊到泰國芭堤雅出席活動，各人工作之餘又可以享受當地火辣陽光與游水特別開心，適逢520情人節，陳瀅更找來Bosco齊做心心手勢，祝粉絲情人節快樂。
Bosco拉大隊連同所屬之邵氏藝人陳瀅、坤哥及Hubert，到泰國芭堤雅出席一個活動，跟當地粉絲會面，全場坐滿3千多人十分墟冚，坤哥、陳瀅與Hubert為活動擔任表演嘉賓，坤哥唱出《原來她不夠愛我》及《愛很簡單》兩首歌後，再跟陳瀅及Hubert合唱一曲《友共情》，台下歡呼聲與掌聲不絕。
坤哥此行特別提早一日到泰國，先行到曼谷拜神及還神，然後再到芭堤雅，在芭堤雅坤哥日日都去游水，所以曬黑了，他揚言今次工作好有度假feel:「因為已經好耐冇嚟過泰國，上次嚟泰國已經係疫情前，所以今次又可以工作之餘又有娛樂，真係好開心，同埋啲觀眾好熱情，所以希望公司以後可以多啲咁嘅工作呀就最好啦，哈...哈，同埋呢度好多華人，都知道520呢個節日，特別熱鬧，(有冇送花畀老婆?)冇呀，同佢講咗返香港會補祝。」