陳瀅、黃宗澤(Bosco)、吳業坤及胡鴻鈞(Hubert)，齊齊到泰國芭堤雅出席活動，各人工作之餘又可以享受當地火辣陽光與游水特別開心，適逢520情人節，陳瀅更找來Bosco齊做心心手勢，祝粉絲情人節快樂。
Bosco拉大隊連同所屬之邵氏藝人陳瀅、坤哥及Hubert，到泰國芭堤雅出席一個活動，跟當地粉絲會面，全場坐滿3千多人十分墟冚，陳瀅、坤哥與Hubert為活動擔任表演嘉賓，陳瀅自上月跟蔡潔合體開騷後，再上台唱歌，表現得更有自信，她身穿一條背心短裙，盡顯完美體態，獨唱張敬軒的《斷點》後，再跟坤哥及Hubert合唱一曲《友共情》，台下歡呼聲與掌聲不絕。
陳瀅亦大讚今次芭堤雅之旅好開心:「因為我喺520嘅當日可以同三位型男一齊工作又有娛樂，呢個活動係繼上個月開騷之後又可以再唱歌表演多一次，娛樂方面可以抽少少時間畀自己享受吓泰國嘅美食呀、文化呀，同感受吓呢度嘅好天氣，所以呢幾日真係好開心!」