無綫全新歌唱比賽節目《聲秀》今日（26日）在將軍澳電視城進行海選面試，面試人數預計逾200人，將會進行4場面試，每場約有60人，今日出席的評審包括胡鴻鈞、譚耀文、劉浩龍、吳浩康、Eric Kwok及陳奐仁。
胡鴻鈞表示對參賽者大感期待，又回想起自己15年前參加選秀的情形，講到評分標準，他坦言：「我第一次做評判，冇評分標準，我會偷睇吓其他人點畀分，我覺得最緊要係聽落覺得舒服，把聲重要過個樣。（唱你嘅歌會加分？）如果佢好有個人風格，演繹上同我好唔同，我會好驚喜。（有冇咩貼士畀參賽者？）平常心同享受個舞台。」胡鴻鈞除擔任評判外，同時會成為參與者的導師，他自認是溫柔的暖男系導師：「我都唔識鬧人，而且我都係選秀出身，我會特別感同身受，更有同理心，加上鬧係冇用，我覺得音樂係交流。」