黃宗澤(Bosco)、汪明荃、姜大衛、朱茵、蔡少芬、譚俊彥、林愷鈴、蔡潔、蘇麗珊、黎澤恩、鄭希怡等昨晚（7日）出席邵氏劇集《風華背後》煞科宴，為慶祝黃宗澤奪得雙料視帝，大會特別準備了一個獎座形狀蛋糕。
Bosco、蔡潔一同受訪，蔡潔恭喜對方奪視帝，稱會同大家夾錢請食飯，黃宗澤表示︰「應該由我請。」由於他得獎後第二日就到南京工作，前晚才回來，未有時間約大家，又說非常開心有客戶主動聯絡他續約，問到可有趁機加價？他笑言︰「係友情價，溫馨價。」並稱︰「過年時派利是會大封啲！」汪明荃早前特意拍片支持黃宗澤贏視帝，他感謝對方支持，稱︰「真心覺得感動！感謝大家多年的栽培、愛錫，（贏獎）算係回報佢哋。」
談到《風華背後》角色，Bosco透露無感情線:「得個前妻王丹妮。」其角色只講錢:「今次係好人唔係壞人，係咪賤人？觀眾睇劇就知，但不會賤過《新聞女王²》Kingston。」又形容拍《風華背後》時，片場日日嘈到爆:「呢個大家族相處得好融洽，冇諗過連汪阿姐都咁玩得！」大爆連接兩劇的姜大衛在拍《璀璨之城》時:「見我哋玩得咁開心，佢好妒忌！」
蔡潔則表示與黃宗澤僅有一場對手戲，她與張松枝演夫妻:「我哋係老夫少妻，會有親密接觸，睇劇本就好激，電視有尺度限制。」Bosco插嘴︰「我睇劇本，寫得好激，佢哋有一幕，伸手入裙摸大脾，我就冇喺拍攝現場睇。」蔡潔笑言︰「到時睇電視就知。」她續說與「小鮮肉」有曖昧關係:「我同細我10歲嘅涂毓麟有感情線！」Bosco搞笑說：「你而家嫌棄我呢啲伯父！」