黃宗澤(Bosco)、陳瀅、吳業坤及胡鴻鈞(Hubert)，齊齊到泰國芭堤雅出席活動，各人工作之餘又可以享受當地火辣陽光與游水特別開心，適逢520情人節，陳瀅更找來Bosco齊做心心手勢，祝粉絲情人節快樂。
Bosco拉大隊連同所屬之邵氏藝人陳瀅、坤哥及Hubert，到泰國芭堤雅出席一個活動，跟當地粉絲會面，全場坐滿3千多人十分墟冚，Bosco一出場場面哄動，他跟觀眾分享成為「凍齡男神」保養心得，他認為健康、自律及保持好心態好重要，當然外在狀態都需要科學方法持續管理，原來「男神」真的不易做。
Bosco提到此行，他感覺如去度假一樣十分寫意，他笑說:「嚟到泰國芭堤雅，寓工作於娛樂，梗係順便游下水，點可以唔游水呀，仲曬埋太陽添呀，520對藝人嚟冇咩特別感受，日日都開工就最好，人人有工開，520有工開，521又有工開，最緊要係620(邵氏高層樂易玲)畀到工我地開，哈哈....，跟住都會馬不停蹄飛去第二度繼續工作，我有工開就開心，今次有工開之餘仲有得旅行游水陽光海灘，就更加開心!」