胡鴻鈞(Hubert)、黃宗澤(Bosco)、陳瀅、吳業坤，齊齊到泰國芭堤雅出席活動，各人工作之餘又可以享受當地火辣陽光與游水特別開心，適逢520情人節，陳瀅更找來Bosco齊做心心手勢，祝粉絲情人節快樂。
Bosco拉大隊連同所屬之邵氏藝人陳瀅、坤哥及Hubert，到泰國芭堤雅出席一個活動，跟當地粉絲會面，全場坐滿3千多人十分墟冚，Hubert、陳瀅及坤哥為活動擔任表演嘉賓，Hubert唱出《凡人不懂愛》及《forever love》，再跟坤哥及陳瀅合唱一曲《友共情》，台下歡呼聲與掌聲不絕。
至於Hubert今次是首次到芭堤雅，大讚所住之酒店房對住個泳池，所以一行出去露台就可以游水好方便:「雖然天氣真係好熱，但有嗰種陽光與海灘度假嘅感覺，真係唔似嚟工作，似成班同事一齊去團建咁，而且又可以同大家一齊共渡一個值得甜蜜浪漫嘅節日，真係好開心。」