無綫劇集《新聞女王2》在《萬千星輝頒獎典禮2025》橫掃多個獎項成大贏家，前晚劇組筵開13席慶功，總監製鍾澍佳率視帝黃宗澤、視后佘詩曼、「最佳女配角」王敏奕、「最佳男配角」何廣沛、「飛躍進步男藝員」吳業坤、「最佳女新人」倪嘉雯等逾百台前幕後出席，場面墟冚又熱鬧。
出爐雙料視帝視后黃宗澤（Bosco）及佘詩曼（阿佘）受惠於劇集大爆，廣告及商演接到手軟，兩人直言要忙到農曆新年才有得休息，Bosco自爆最近接了新的啤酒廣告，戲言之前承諾的「全奶宴」要改為「全啤宴」：「我簽咗另一個廣告，所以全奶宴要取消，但依家可以搞全啤（酒）宴！」受惠於《新聞2》成功，兩人工作接踵而來，Bosco透露慶功翌日要到內地工作，加上之前忙拍劇，是時候還商演及廣告債，同是廣告女王的阿佘則預計農曆新年後才有時間好好休息。
兩人均出名孝順，阿佘計劃陪媽媽旅行，而Bosco指媽媽今個月生日，會為對方辦完大壽再去旅行，問到媽媽的年紀？他醒目表示：「18歲！哈哈！其實媽媽之前話想要部新手機，我另外想買啲首飾畀佢。（買金器？）金器太貴，老人鍾意玉器，或者買舊豬肉，都係肉器。」
談到《新聞3》未知何時成事，會否想原班人拍其他題材的劇集？阿佘坦言有好故事當然想原班人馬上陣，在《新聞2》慘遭Bosco欺負的她大膽提議：「我想演殺手殺Bosco，但殺嚟殺去都殺唔死佢。」Bosco指阿佘殺不死他也可以折磨他，或者任由對方欺負也可以，阿佘聞言即說：「諗起都爽！」認為兩人演冤家最好玩。