「女神」關嘉敏Carman及李芷晴將為慈善活動《慈善星輝仁濟夜》擔任司儀，而倪樂琳則會於節目內演出音樂劇。3人今日現身相關記者會齊齊受訪，關嘉敏及李芷晴不約而同表示首次擔任大騷司儀，李芷晴大表緊張，直言驚拖累其他拍檔，反而關嘉敏膽粗粗表示：「我好興奮，一啲都唔緊張，有拍檔區永權喺度驚咩呀？拋過波畀佢先，今次係2026年嘅新嘗試。（妳執生叻唔叻？）跌咗件衫咪識執囉，哈哈！驚唔小心係咁搞爛gag。」
事後Carman將當晚相片上載社交網，自言奉獻第一次做仁濟大會司儀，她多謝監製與仁濟信任，亦多謝區永權帶領，最後她希望觀眾睇得開心，並揚言自己當晚都玩得好開心，有人留言大讚她做得好好。