無綫《聲秀決賽 終極聲戰》星期日舉行，賽前大熱之一馮熙燮雖然唱《七百年後》失誤，最終仍撼低對手柯雨霏奪冠，柯雨霏屈居亞軍，雙料季軍胡子貝同時獲「觀眾熱選聲秀大獎」，身為聲秀導師的胡鴻鈞(Hubert)於賽前在社交網好感慨的寫下一篇肺腑之言，對旗下之學員感到依依不捨。
Hubert表示回顧由《聲秀》海選到決賽，原來已經歷半年時間，除了投入心機與時間外，竟然發現「皇帝唔急太監急的感覺都幾過癮」，Hubert寫上:「好似個老豆對住啲仔女咁，睇住佢地就好似睇番想當年嘅自己，一直以來有幸身邊都有好多人為我著緊為我好，所以宜家就會好想啲後輩條路可以行得順暢啲輕鬆啲」。
Hubert又多謝學員經常聽他亂講一大堆無聊話，希望當中有些內容對他們是有用的，他自言首次為人師表，所講的未必啱聽，但肯定是字字都是從心出發，好的他會認同，不好的他會直講，他認為早點適應同面對批評與否定，未必不是一件好事:「可能有啲人會覺得我有時對住我嘅學員講嘅comment有啲mean，首先係度講聲唔好意思，令到你聽落唔舒服，不過我都幾肯定，我同我學員之間喺台上同台下嘅溝通方式，都應該係充滿歡樂嘅」。他希望晉身到決賽的學員可以好好享受最後一次《聲秀》舞台的表演。
在決賽完結後，Hubert再更新社交網:「半年的旅程完滿結束，辛苦晒每一位台前幕後，恭喜晒每學員，終於畢業啦喂 ! 係度祝福將來繼續披荊斬棘發光發亮，老土野就唔講啦，江湖見 !」他還上載學員Emily所送的感謝卡。